İnternetə genişzolaqlı və ya yüksək sürətli çıxış modemdən və ümumi istifadə üçün nəzərdə tutulmuş telefon şəbəkəsindən istifadə etməklə əldə edilən kommutativ çıxışdan fərqli olaraq, İnternetə sürətli çıxış deməkdir.  

Kommutativ çıxış bitreyt üzrə 56 kbit/san məhdudiyyətə malik olduğu və telefon xəttini tamamilə məşğul etdiyi halda, genişzolaqlı texnologiyalar məlumat mübadiləsinin bir neçə dəfə böyük sürətlə aparılmasını və telefon xəttinin məşğul edilməməsini təmin edir. Yüksək sürətdən başqa, genişzolaqlı çıxış İnternetə (kommutativ birləşmənin yaradılmasına ehtiyac olmadan) fasiləsiz qoşulmanı və "ikitərəfli" əlaqəni, yəni informasiyanı yüksək sürətlə qəbul etmək ("endirmək") və ötürmək ("yükləmək") imkanını təmin edir. Genişzolaqlı çıxış yalnız informasiya və xidmətlərin bolluğunu təmin etmir, həm də bütünlükdə İnterneti həm şəbəkə tərəfindən təklif edilən xidmət planında, həm də onun istifadəsi planında dəyişdirir.

SINAM Şirkəti genişzolaqlı çıxış təklif edir  – "Point-to-Point" və "Point-to-Multipoint" tipli simsiz həllər provayderlərə harada olmasından asılı olmayaraq, müştərilərinə genişzolaqlı çıxış xidməti təqdim eləmək imkanı verir.